-- ADVERTISEMENT --

Ginkumpirmar ni Department of Social Services and Development head Pacita Tero nga nalakip ang ciudad sang Bacolod sa mahatagan sang second tranche sang Social Amelioration Program (SAP).

Nahibaluan nga ginpahayag ni Department of Social Welfare and Development(DSWD) secretary Rolando Bautista nga may yara sang 11 ka mga lugar nga mahatagan sang ikaduha nga tranche sang ayuda.

Sa interview sang Bombo Radyo Bacolod kay Tero, ginpahayag sini nga may yara sang patigayunon ng virtual conference subong nga adlaw ang DSWD Region 6 upod ang mga alkalde kag gobernador sa Western Visayas agud hambalan ang second tranche sang SAP.

Dugang pa ni Tero nga nagahulat pa sila karon sang guidelines angot sa mga additional benefeciaries.

Ginkumpirmar man sini nga kun sin-o ang nahatagan sa first tranche ang mangin benepisyaryo sa second tranche magluwas lamang kun makitaan kag mapamatud-an nga indi ini kwalipikado.

-- ADVERTISEMENT --

Sa karon, natapos na validate kag liquidate ang una nga payout sang SAP sa ciudad sang Bacolod kag may yara nalang sila sang ginatapos agud mapadala na ini sa DSWD kag DILG.