BACOLOD CITY – Nalakip ang ciudad sang Bacolod sa shortlist sang mga ciudad nga nagahandum madala sa “Top 10 Model Cities of the Philippines”, isa ka search para sa most livable urban centers sa bug-os nga pungsod.
Si Bacolod City Mayor Evelio “Bing” Leonardia ang gin-imbetar sang The Manila Times, isa ka pamantalaan nga nagasirkular sa bug-os nga pungsod, nga magtambong sa awarding ceremonies sa maabot nga Mayo 11 sa New World Manila Bay Hotel.
Si Vice-Mayor El Cid Familiaran kag iban pa nga opisyales sang ciudad ang ginalauman man nga magatambong sa awarding rites.
Sa 36 ka mga ciudad sa Pilipinas, 12 ang nalakip sa shortlist kag gikan diri pagapilion ang champion, duha ka runners-up kag madamo nga iban pa ka mga awards nga ginalakipan sang: 1. Peace and Security; 2. Rest and Recreation; 3. Research and Development; 4. Health and Education; 5. Clean and Green; 6. Road and Home; 7. Livelihood and Employment; 8. Youth and Elders; 9. Tax and Services; kag 10. Emergency/Disaster Preparedness.
