Indi pa marekomendar sang Bacolod Traffic Authority Office (BTAO) nga maagyan ang Bacolod City Negros Occidental Economic Highway (BANOCEH) bangud wala pa sang nabutang nga streetlights kag may mga bahin nga wala pa matapos.
Suno kay BTAO Deputy Head Jose Antonio Robello, madamo siya sang nakita nga factors nga indi pa marekomendar ang pagpaagi sang mga salakyan sa BANOCEH sa tion sang kagab-ihon bangud magluwas sa wala sang streetlights, ang iban nga mga salakyan ang nagasugataay bangud may mga bahin pa ang dalan nga wala matapos.
Suno kay Robello, ang resulta sang ginhimo sini nga feasibility study sa BANOCEH ang ipasa niya kay Bacolod City Councilor Al Victor Espino, chairman sang Committee on Transportation and Traffic sa Sangguniang Panlungsod.
Suno diri, nakadepende na sa ciudad kun ano ang desisyon sang mga ini angot sa resulta sang pagtuon sang BTAO.
Suno kay Robello, ang rekomendasyon sini amo nga indi feasible ang BANOCEH sa night time travel apang kun day time puede pa.
Ginpahayag man sang mga police reports nga madamo na ang nadisgrasya sa nasambit nga dalan kun gab-i samtang ang mga trucks ang wala man gaagi didto bangud indi pa sunado ang dalan kag may mga portion nga wala pa natapos.
