Nangin pinakauna nga Local Government Unit sa bug-os nga Pilipinas ang ciudad sang Bacolod nga nagrequest sang floodgate kag pumping stations agud nga masolusyonan ang problema sa baha.
Suno kay Bacolod City Mayor Alfredo ‘Albee’ Benitez, lima ka sapa sa ciudad ang plano nga patukoran sang floodgates kag pumping station ang ginalakipan sang Banago River, Mandalagan River, Lupit River, Magsungay River, kag Sum-ag River.
Suno diri, tatlo ang sigurado nga butangan sang floodgate sa masunod nga tuig nga amo ang Magsungay River, Mandalagan River, kag Sum-ag River.
Ang tatlo ka sapa nga patukoran sang proyekto ang may pondo nga P300 million.
Suno sa alkalde, ang problema sa pagbaha ang indi bangod sa napabayaan nga drainage system apang ini ang tuga sang climate change.
Ang pagpatukod sang floodgate kag pumping stations sa ciudad ang talakyon sa stake holder summit nga patigayonon sa Nobyembre 22.
