95 porsyento na nga preparado ang Bacolod City Police Office para sa eleksyon sa Mayo 9.
Suno kay BCPO spokesperson Police Lt. Col. Sherlock Gabana, may mga police officers nga igadeploy sa kada polling center sa ciudad sang Bacolod.
Santo sa security plan, duha tubtub apat ka personnel ang igadeploy sa kada eskwelahan nga amo ang ginagamit bilang polling center samtang may yara man sang Mobile Unit nga magalambiyong sa Bacolod samtang ginapatigayon ang piniliay.
May yara man sang mga police officers nga magahatag sang seguridad sa transport sang vote counting machines, mga balota kag iban pa nga election paraphernalia.
Suno kay Gabana, 95 porsyento pa lang ang security preparation sang BCPO bangud ang 5 porsyento ang natigana para sa anuman nga pagbag-o samtang nagahilapit ang adlaw sang eleksyon.
