Ginpahayag sang City Director sang Bacolod City Police Office nga dapat mahangpan man sang lider sang transport group nga sila ang nagatuman lamang sa nakasaad sa layi.
Sa interview sang Bombo Radyo Bacolod kay Police Col. Joeresty Coronica, ang tanan nga giho sang mga kapulisan ang nasanto sa kasuguan.
Suno kay Coronica, sang nakaligad nga nagrally ang nasambit nga transport group sa Bacolod Government Center ginhambalan niya na ini nga wala sang problema ang pagpatigayon sang rally apang dapat magsiguro sang permit nagikan sa Local Government Unit.
Suno pa diri, ginpahibalo niya pa ang mga nagrally nga ang constitutional rights sang freedom of expression ang indi absolute kag ini ang may limitasyon.
Dugang pa sang City Director nga ang mga kapulisan ang nagapatuman sang layi.
Gani kinahanglan nila ipatuman ang Batas Pambansa No. 880 kun sa diin nakasaad nga kun luyag nga magpatigayon sang rally ukon protesta, dapat magsecure sang permit sa LGU kun ini ang patigayunon sa indi designated nga freedom park.
Suno kay Coronica, indi siya dapat paglecturan sang lider sang transport sang pagexercise sang freedom of expression bangud sang ini ang City Director sang Iloilo City Police Office, tanan nga nagarally nagakuha sang permit sa ciudad, gani ngaa indi ini mahimo sang mga nagarally sa ciudad sang Bacolod.
Dugang pa sini nga sumugod karun wala sang matabo nga rally kun wala nagarespeto sa city government sang Bacolod.
Panindugan sang city director nga ang BCPO ang nagarespeto sang kinamatarong sang tawo sa freedom of expression apang dapat patigayunon sa designated area kag magkuha sang permit santo sa nakasaad sa Batas Pambansa 880.
Panindugan sini ang mga kapulisan ang nagapatuman sang layi bangud kun indi nila ini pagubrahan wala sang pulos nga nangin police pa ang mga ini.
Suno pa diri, dapat sundon ang nasakaad sa nasambit nga layi kag indi mahimo nga magpinagusto lamang sa pagrally nga wala nagasunod sa kasuguan.
