Ginahulat pa ang Bacolod City Police Office ang reply sang mga ahensya nga gintsekyar agud magtumod sa validity sang mga dokumento nga ginpresentar sang babayi nga may laragway sang Chinese nga nagkuha sang litrato sang mga government issued IDs sang mga tricycle driver sa Barangay Estefania kabaylo sang P400 nga cash.
Ini matapos nga nagpresentar ang babayi sang mga dokumento nga nagapamatuod nga siya ang Pilipino, sang siya ang una nga gin-imbetaran sang Bacolod City Police Station 4.
Sa interview sang Bombo Radyo Bacolod kay BCPO Officer in Charge Police Col. Joeresty Coronica, ginahulat lamang nila ang confirmation gikan sa mga ahensya agud matumod kun legal ang mga dokumento kasubong man ang mga negosyo sini.
May stall sa isa ka mall sa ciudad sang Bacolod ang babayi, apang apisar nga bukas, sa pagtsekyar sang kapulisan wala didto ang babayi.
Ini ang may isa pa ka negosyo sa ciudad sang La Carlota, apang ang mga negosyo sini ang wala man sang kaangtanan sa pagkuha sini sang litrato sang mga government issued ID, nga suno sa iya para sa iya negosyo sa Gcash.
Sa karun padayun lamang ang paghibalo nila sa background sang babayi, apang paathag ni Coronica nga wala pa sila sang nabatun nga bisan ano nga complaints batok diri.
