Padayunon sang Bacolod City Police Office sa pagpanguna sang ila city director ang pagpatuman sang mga plano kag programa nga makatapna sang pagluntad sang krimen sa ciudad sang Bacolod.
Sa interview sang Bombo Radyo Bacolod kay Bacolod City Mobile Force Company Head Police Lt. Col. Ronnie Brillo, si Bacolod City Police Officer director Police Col. Noel Aliño ang luyag gid ipatuman ang mga best practice ilabi na sa pagtapna sa pagluntad sang krimen sa ciudad sang Bacolod kag nakita man nga nangin epektibo ilabi na sang nakaligad nga tuig.
Suno kay Brillo, luyag nila ini ipadayunon bangud nakita man nga tuman ang pagnubo sang eight focus crimes sa ciudad kumparar sa 2022 kag 2023.
Suno diri isa sa mga 8 focus crimes nga nagnubo amo ang kaso sang theft bangud sa police presence sa mga dalanon kag pagpatigayon sang police mobile standby point.
Suno kay Brillo madamo sang best practices nga ginapatigayon ang BCPO agud nga magnubo sang masobra sa 40 porsyento ang eight focus crimes sa ciudad sang Bacolod.
Nahibaluan nga sa nagwa nga UPER, nagpanguna ang BCPO nga may 96.3 percent nga rating, pinakamataas nga rating sa tanan nga Provincial kag City Police Offices sa Rehiyon kalakip ang Regional Mobile Force Battalion 6.
Sa UPER gina-evaluate ang overall performance sang police units sa operations kag administrative functions.
