Natalana nga magpatigayon sang meeting ang Bacolod City Police Office kaupod ang Philipine Army kag enforcement agencies sa ciudad agud madiskusyonan ang assessment kun may yara sang armado nga grupo sa ciudad.
Sa interview sang Bombo Radyo Bacolod kay BCPO deputy city director for operation Police Lt. Col. Lester Leada, ang meeting ang patigayunon sa Biyernes agud masturyahan man ang preparasyon para sa eleksyon.
Suno diri, santo sa mga nakaligad nga eleksyon, wala sang ano man nga narekord nga election related incident kasubong man nga wala sang areas of concern sa ciudad.
Pahayag ni Leada, wala sang report ang intelligence unit angot sa mga nasiplatan nga gina-alegar nga mga armado nga grupo apang wala nila ginadula ang mga impormasyon nga naga-abot sa ila.
