Preparado ang Bacolod City Police Office para sa pagpatuman sang seguridad sa semana santa.
Sa interview sang Bombo Radyo Bacolod kay Police Lt. Col. Ronnie Brillo, commander sang Bacolod City Mobile Force Company, ang BCPO ang may napreparar na nga security plan para sa Semana Santa.
Suno kay Brillo, sa tion sang Semana Santa ang mga kapulisan ang magapahamtang sang police assistance desk sa simbahan, malls, terminals kag seaports agud nga kun kinahanglanon sang tawo ang police assistance may yara na sang nakastandby nga police personnel agud magresponde.
Samtang para naman sa mga motorista, may yara naman sang nakadeploy nga katapo sang Traffic Enforcement Unit (TEU).
Ginmando man sang city director sang BCPO ang pagpatrolya kaangay sang subdivision agud nga masiguro ang seguridad samtang nagpadulong sa simbahan ukon nagbakasyon ang mga pumuluyo.
Nagpanugyan man ini sa mga pumuluyo nga siguruhon nga nakalock ang balay antes magbiya sa mga balay agud magsimba ukon mag gwa man kag magobserbar sang Semana Santa.
