Bacolod City Police Office, nagadoble sang effort agud masiguro ang katawhay sang eleksyon sa Lunes

Doble ang effort sang Bacolod City Police Office tatlo ka adlaw antes ang May 9 national kag local elections.

Suno kay BCPO Director Police Col. Thomas Joseph Martir, ginapasalamat sini nga wala sang mga election related incidents nga narekord sa ciudad samtang nagahilapit ang pagpiniliay.

Suno kay Martir, doble effort ang kapulisan kag gina-implementar ang maximum visibility indi lamang sa mga establishmento kundi kasubong man sa mga rallies.

Suno diri, nadeploy na sa mga precincts ang iban nga mga personnels kag sa Mayo 7, igadeploy na ang tanan kag wala na sang puliay.

Suno sa iya, ginhungod sini nga apat ka mga personnel ang na-assigned sa isa ka polling precinct agud makabulos-bulos sila boto kag ibilin lamang ang armas sang mga ini.