Nagbutang ang Bacolod City Police Office sang police outpost sa Barangay Cabug agud nga malikawan na ang paghaboy diri sang lawas sang patay nga tawo.
Madumduman nga isa ka bangkay sang lalaki nga nasulod sa sako ang ginlupot sa tamburong sa Barangay Cabug kag mga pulis man mismo ang nakasapo sini.
Ang biktima ang ginkilala sang iya pamilya sa Barangay Lantad, ciudad sang Silay.
Suno kay Police Staff Sgt. Allen Elba, team leader sang mga pulis nga assigned sa outpost, ginarondahan nila ang dalan agud mabantayan ang mga hitabo.
Ginabuligan man sila sang Barangay Council sang Cabug sa ila nga pagbantay.
Ang team naman sang Bacolod Police Station 9 ang nahamtang ginabanta isa ka kilometro nagikansa outpost nanday Elba.
Sa interview naman sang Bombo Radyo kay BCPO director Police Col. Noel Alino, ang Bacolod City Police Special Investigation Team nga tukuron agud mag-imbestigar sa mga krimen ang lakipan sang mga imbestigador sang tanan nga police stations sa ciudad.
Magatukod man sang tracker team sa kada station agud nga natumod na nga daan kun sin-o ang magaresponde kun may natabo, indi nga kun sin-o lang ang nakaduty.
Ang tracker team ang pangunahan sang deputy station commander for operations.
