Bacolod City Police Office, nagpanawagan sang kooperasyon sang pumuluyo batok sa illegal nga droga

Nagpanawagan sang kooperasyon si Bacolod City Police Office Director Police Colonel Joeresty Coronica gikan sa mga pumuluyo sang ciudad agud matapna ang illegal nga druga nga kalabanan amo ang rason sa mga nagaluntad nga krimen.

Sa interview sang Bombo Radyo kay Coronica, may mga krimen sang pagpamatay, shooting, kag kinawatay nga nagaluntad nga may kaangtanan sa illegal nga druga.

Suno diri, kun may yara sang madakpan nga mga dalagko nga drug personality may yara gilayon sang nagaluntad nga pagpinatyanay kag ang mga biktima ang may transaksyon sa illegal nga druga.

Nagapati si Coronica nga kun magnubo ang kaso sang iilegal nga druga manubo man ang numero sang krimen sa ciudad.