Ginpasalig sang pinuno sang Bacolod City Police Office nga magabantay ang kapulisan sa safety sang mga estudyante kadungan sang pagbukas na sang klase sa Lunes, July 29.
Suno kay Police Col. Joeresty Coronica, may police visibility malapit sa eskwelahan sa tion nga magbukas ang klase.
Magluwas sa mga pulis suno kay Coronica, naga-augment man ang Bacolod Traffic Authority Office kag Traffic Enforcement Unit sa pagdirect sang dalagan sang trapiko sa gwa sang mga eskwelahan sa tion nga may yara na sang klase.
Suno naman kay BTAO deputy head Jose Antonio Robello, full force ang enforcers sa mga eskwelahan bangud wala man sang iban nga activities sa ciudad sa Lunes.
Suno kay Robello, nagabantay ang mga traffic enforcers, nagainit man ukon nagaulan.
Ginpasalig sini nga safety ang una nga priority sang BTAO./
Nagpanugyan naman ini sa mga motorista nga icheck ang dalagan sang panahon antes magbyahe agud makaprreprarar kun mabasa ang dalan.
Nagpanugyan man ini nga temprano pa maghimos kag magbiya sa balay bangud expected na ang congested traffic sa sini nga tinion.
