Ginpasalig sang Bacolod City Police Office nga nakaplastar na ang tagsa ka police station sang ila nga deployment para sa mga simbahan, terminals, area of convergence kaangay sang malls kag Christmas village.
Suno kay BCPO spokesperson Police Lt. Col. Sherlock Gabana, nakapdeploy na ang mga personnel kag may augmentation man nagikan sa force multipliers.
Suno sa BCPO spokesperson, nagabantay ang mga pulis sa Christmas village kun gab-i, samtang kaagahon naman sa mga simbahan kag peak hours sa malls kag terminals.
Aminado naman ini nga may mga tinion nga wala sang bilin nga tawo sa balay bangud nagsimba ang bilog nga pamilya gani nagalibot ang mobile patrol.
Suno kay Gabana, matawhay kag malinong ang selebrasyon sang Paskwa samtang ginadakop naman ang mga salakyan nga may traffic violations.
Ginausisa man ang riding-in-tandem bangud santo sa ordinansa, dapat maghimata ang nagaangkasanay sa motorsiklo.
