Bacolod City Police Office, nagpatigayon sang inspection sa mga balaligyaan sang palupok sa ciudad sang Bacolod

Nagpatigayon sang inspection ang Bacolod City Police Office sa mga balaligyaan sang firecrackers kag pyrotechnics sa ciudad kasunod sa direktiba ni BCPO director Police Col. Noel Aliño para sa mga illegal nga pagbaligya sini.

Sa interview sang Bombo Radyo Bacolod kay Police Lt. Col. Ronnie Brillo, commander sa Bacolod City Mobile Force Company, nag-issue sang memorandum ang BCPO director para sa mga unit commanders nga mag-conduct sang inspection sa mga illegal nga pagbaligya sang firecrackers kag pyrotechnics sa ciudad.

Suno diri, sa karun wala pa sang may nabaton nga report ang BCPO nga may yara sang nakumpiskar nga mga palupok kag may yara sang illegal selling.

Dugang pa sini, ila man igakumpiskar ang mga boga nga delikado kun gamiton.