Nagpatigayon na sang reshuffling sa pila ka mga Police Station officers sang Bacolod City Police Office.
Nahibaluan nga may iban sa mga station commanders ang nagpaidalum sa schooling sang tinalikdan, kun sa diin ginpahayag ni BCPO Director Police Col. Joeresty Coronica nga idungan na lamang sa reshuffling ang pagbutang sang magabulos sa pwesto.
Si Police Major Captain Dax Santillan, officer-in-charge sang Bacolod Police Station 6 ang igasaylo sa Bacolod Police Station 7.
Si Police Captain Greeky Cayao, officer-in-charge sang Bacolod Police Station 7, ang igasaylo naman sa Bacolod Police Station 8.
Samtang si Police Major Eugene Tolentino, station commander sang Bacolod Police Station 8 ang isaylo naman sa Bacolod Police Station 2.
Samtang si Police Lt. Ildefonso Leonardo ang gindesignar naman bilang Deputy Station Commander sang Bacolod Police Station 8.
Gindesignar naman nga officer-in-charge sang Bacolod Police Station 10 si Police Captain Sherwin Galupar.
Si Police Lt. Peter John Ramos nga anay human rights officer sang General Services Office ang ginsaylo naman sa Bacolod Police Station 6.
Samtang si Police Lt. Rowena Jean Magan, nga anay assistant chief kag assistant public information officer sang City Community and Development Unit (CCADU) ang ginreassign sa Women and Children Protection Desk (WCPD).
Sa speech ni Coronica, ang reshuffling ang ginpatigayon kasunod sang schooling sang duha ka station commander agud magpasaka sang ranggo.
Ang schooling ang magalawig naman sang tatlo tubtob apat ka bulan.
Sa ila nga paghalin, ginapakamaayo nga mahatagan man sang tyansa ang iban nga mga opisyal nga pamatud-an ang ila kaugalingon.
Suportado man ni Bacolod City Mayor Alfredo ‘Albee’ Benitez ang reshuffling.
Pahanumdom ni Coronica nga luyag sini makita nga hands-on ang mga Station Commander.
