Nakabaton sang duha ka van ang Special Weapons and Tactics sang Bacolod City Police Office halin sa Bacolod City Government.
Suno kay Bacolod City Mayor Greg Gasataya, ang duha ka SWAT van nagabalor sang P6.5 million.
Suno diri ang specifications sang van nakabase sa suhestyon ni BCPO Director Police Col Joeresty Coronica.
Suno sa alkalde, kinahanglan sang SWAT team ang ini nga mga van para sa kritikal nga operation bangod kun wala ini, ordinaryo nga ginagamit ang patrol car nga indi makahatag sang hugot nga proteksyon sa SWAT.
Dako naman ang pagpasalamat ni BCPO Director Police Col Joeresty Coronica sa suporta nga ila nabaton halin sa Local Government Unit sang Bacolod City.
Suno diri, mapabugal nila sa iban nga rehiyon indi lamang sa Negros Island Region ang modelo sang SWAT van.
Suno pa diri, nakarequest na sila sang dugang nga helmet, ammunition para sa training, bulletproof vest kag ballistic shield para sa long firearms.
Pahayag ni Coronica, naka-ensayo kag padayon nga naga-ensayo ang SWAT kag handa ang mga ini nga magsulay sa bala kun kinahanglan.
