Ginpresentar sang Bacolod City Police Office ang ila strategic plan agud ma-achieve ang 5-minute response time.
Interview clip: BACOLOD CITY POLICE OFFICE DIRECTOR POLICE COL JOERESTY CORONICA
Ginselebrar subong nga adlaw ang 30th Police Community Relation Month Celebration kag didto ginpresentar ni BCPO Director Police Col. Joeresty Coronica kay Bacolod City Mayor Greg Gasataya ang ila plano.
Suno kay Coronica, may ginpatigayon nga simulation exercise kun sa diin may yara sang respondehan nga insidente sa Bangga Cory sa ciudad sang Bacolod.
Nakit-an nga madasig ang pagresponde kun sa diin nahimo sang isa ka patrol car nga maka-abot sa area sa sulod sang 47 segundos.
Aminado si Coronica nga isa sa ila challenges ang traffic nga valid man nga reason kag ang ila resources nga madutay apang nagapati ini nga ma-achieve man sa gihapon ang 5 minute response time.
Gin-manduan man sini ang mga kapulisan nga i-familiarize ang area kun diin sila na-assign agud matandaan ang alagyan kag wala sang mausik nga oras.
