Bacolod City Police Office, pabor sa pagbanhaw sa death penalty paagi sa lethal injection

Pabor ang Bacolod City Police Office sa pagsulong sang death penalty paagi sa lethal injection ilabi na sa mga imbolbado sa illegal nga druga.

Sa interview sang Bombo Radyo kay BCPO spokesperson Police Lt. Col. Ariel Pico, ginpahayag sini nga nagakomporme sila nga mga kapulisan sa death penalty basta patas ang pag-implement sini.

Suno kay Pico, ang mga maconvict ukon pagadagdagan sang death penalty ang kinahanglan nga imbolbado gid sa illegal nga druga bangud masakit kun inosente kag naimplikar lang ang isa ka persona.

Suno sa tagpamaba sang BCPO, apisar nga indi maresolbar sang death penalty ang problema sa illegal nga druga, dako ang maubra sini sa pagpahagan-hagan sang supply sa ciudad.