Pasanyugon sang Bacolod City Police Office ang kampanya batok sa illegal nga armas luthang agud ma-ibanan ang mahimo magluntad nga mga insidente kadungan sa Masskara Festival 2024.
Sa interview sang Bombo Radyo Bacolod kay Police Captain Jonito Pastrana, public information officer sang BCPO, luyag nila nga mapanas ang kahangawa sang mga pumuluyo nga may magluntad nga insidente sang pagpangluthang kadungan sa pagfocus sang mga kapulisan sa selebrasyon.
Pasalig sini nga magapabilin ang rotational activities sang tagsa ka police stations luwas pa sa augmentation para sa Masskara Festival.
Kasubong man ang ginapatigayon nga mga checkpoint operations, Oplan Sita, Oplan Bulabog kag iban pa.
May standing order man si BCPO Director Police Col. Joeresty Coronica nga pasanyugon ang kampanya batok sa nagahupot sang illegal nga armas luthang ukon nagabayolar sa Republic Act 10591 ukon Comprehensive Firearms and Ammunition Regulation Act.
Kalakip diri ang mga persona nga anay may gun license apang wala na nakaparenew, kun sa diin sila ang sarang man nga makaserbe sang search warrant kag law enforcement operation.
Pinaagi sini, mapanubo nila kun indi gid man maubos ang posibilidad sang mga kriminalidad
