Magahingyo ang Bacolod City Police Office sang tatlo ka dugang nga police stations sa ciudad agud mapasanyog pa ang ila kampanya sa pagpabilin sang peace and order sa ciudad.
Suno kay BCPO Director Police Colonel Joeresty Coronica, igapresentar sini kay Bacolod City Mayor Albee Benitez ang pagpatukod sang tatlo ka dugang nga police stations nga ipahamtang sa Barangay Banago, Vista Alegre kag Estefania, Bacolod City
Nagalaom ini nga ini ang matigayon sa masunod nga tuig.
Magluwas diri, nalakip na sa mga plano kag programa nga igapresentar ni Coronica sa alkalde amu ang pag-ammend sang CCTV ordinance, pag-install sang CCTVs (Closed-circuit television) sa mga strategic areas kag pagrequire sini sa mga magagmay nga establishmento samtang, welcome para kay Punong Barangay Jerrry Tingson sang Barangay Estefania, Bacolod City ang pagpatukod sang police station sa ila nga area.
Sa interview kay Tingson, madugay na nila nga ginapangayo nga sila ang ma-installan sang police station kadungan sang pagdamo sang pumuluyo kag mga establishemento sa sakop sang brgy.
Suno diri, kun may yara sang mga insidente nga magluntad, ang Bacolod Police Station 4 nga yara sa Brgy Villamonte ang nagaresponde sa ila.
Pahayag ni Tingson, kun may yara na sang police station sa ila brgy magaresulta ini sang pagnubo sang crime rate kag mas madasig nga pagresonde sang kapulisan.
Apang sa karun nagapangita pa sila sang duta nga patindogan sang estasyon.
Madumduman nga ginpahayag ni Bacolod City Police Office (BCPO) director Colonel Joeresty Coronica, nga plano sini nga dugangan ang CCTV camera sa ciudad kag luyag sini nga dugangan sang tatlo ka bag-o nga police station ang ciudad sa bahin sang Brgy Vista Alegre, Banago kag Estefania, Bacolod City
