Ginapreparahan na sang Bacolod City Police Office nga malikawan ang pagpalupok sang armas-luthang sa pagselebrar sang bag-ong tuig agud malikawan ang kaswalidad tuga sang mga stray bullet.
Sa interview sang Bombo Radyo Bacolod kay Police Lt. Col. Ronnie Brillo, commander sa Bacolod City Mobile Force Company, ginapreparahan na sang mga unit commander kag police personnel sang BCPO ang pagpahibalo kag pagpatuman nga malikawan ang pagpalupok sang firearms, lisensyado man ukon indi sa pagselebrar sang bag-ong tuig.
Suno diri, sila nagapatigayon sang rekorida agud mapahibalo kag mapaandaman ang mga pumuluyo sang ciudad.
Magakoordinar man ang mga unit commander sa mga Barangay sa ciudad nga may layi nga magpalupok sa mga designated area lamang agud mabantayan ini sang mga kapulisan.
Nagpahanumdom man ini sa mga pumuluyo nga magkoordinar sa ila sa paglikaw sa pagpalupok sang firearms kasubong man sa insakto nga pagdispose sang mga firecrakers kag pyrotechnics agud malikawan ang sunog kag kaswalidad.
