Preparado na ang Bacolod City Police Office (BCPO) para sa deployment sa Masskara Festival 2024.
Sa interview sang Bombo Radyo kay Police Captain Jonito Pastrana ang Spokesperson sang BCPO, ang sendoff ceremony ang patigayunon sa Oktobre 10 antes ang opening sang Masskara sa Oktobre 11.
Suno diri, masobra sa 1,000 ka mga personnel ang igadeploy nga ginalakipan sang BCPO, Philippine Coast Guard (PCG), Bureau of Fire Protection (BFP) kag gikan sa Police Regional Office 6.
Sa Oktobre, tunga lamang gikan sa masobra 1,000 ka mga personnel ang magaparticipate sa sendoff ceremony samtang ang tunga naman ang ginalauman nga maga-abot sa Oktobre 21 samtang nagahilapit ang highlights sang Masskara festival.
Apang, suno kay Pastrana posible pa nga may yara sang mga pagbag-o sa deployment.
