Preparado na ang Bacolod City Police Office para sa State of the Nation Address ni President Ferdinadn Bongbong Marcos Jr sa Lunes, Hulyo 24.
Sa interview sang Bombo Radyo kay acting BCPO Director Police Col. Noel Aliño, isa ka bulan ang ila preparasyon sa pagbantay para sa SONA sang presidente.
Suno diri, kun may yara sang kun sin-o man nga mag-eskandalo ukon magtuga sang gamo, handa ang BCPO sa pag-atubang diri, apang ginaluaman sini nga wala sang ginamo nga matabo.
Nagapanginbabaw sa tanan suno kay Aliño ang safety sang tpumuluyo.
Mensahe sini, sa pala-abuton nga SONA, mamati sang malinong kag kun may yara man gid sang isyu, indi na ini pag-ipaagi sa gamo.
Samtang, kun may yara sang Transport Strike sa Lunes, may nakahanda ang BCPO nga 17 ka mobile patrol car nga magahatag sang libre sakay sa mga pumuluyo.
Suno kay Aliño, sa libre sakay, yuhum gid lamang ang bayad kag ini may sinsilyo pa.
Makighinun-anon man ini sa mga leader sang transport group nga kun posible indi magdayon sang strike agud indi maapektuhan ang adlaw-adlaw nga gawi sang mga tawo sa ciudad sang Bacolod.
Samtang, nangin First Runner Up naman ang BCPO sa Civil Disturbance Management Competition nga ginpatigayon sa Polie Regional Office 6.
