Preparado na ang Bacolod City Police Office sa nagahilapit nga tigkalalag.
Sa interview sang Bombo Radyo Bacolod kay P/Lt. Col. Ariel Pico, tagpamaba sang BCPO, ginpahayag sini nga ginmando na ni P/Lt. Manuel Placido nga madeploy sang mga police personnel sa tanan nga patyo sa ciudad.
Suno kay Pico, ginabanta nga 70 ka mga personnel ang ibutang sa kada patyo sugod sa Oktubre 27 ukon 28.
Apang possible pa nga madugangan ang mga ini suno sa tagpamaba.
Dugang pa ni Pico nga anom tubtob 10 ka mga pulis ang ginalantaw nila nga ideploy sa kada patyo.
Magluwas sa mga police personnel, may yara man sang mga traffic enforcers kag force multipliers nga ipahamtang.
Ginkumpirmar naman ni Pico nga may yara man sang alert team nga magaresponde sa mga dapat nga respondehan bangud indi pwede nga magbiya sa ila pwesto ng mga pulis nga gindeploy sa mga patyo.
Suno sa tagpamaba, sa mga luyag magbisita sa ila mga nagtaliwan nga himata sa patyo, pwede pa ang mga ini makakdto subong bangud wala pa man sang may ginpagwa nga direktiba ang national inter-agency task force.
