Preparado na ang Bacolod City Police Office sa pagdeploy sa mga personnel para sa selebrasyon sang Bacolaodiat Festival 2025.
Suno kay BCPO Director Police Col. Joeresty Coronica, 150 tubtob sa 200 ka mga personnel ang igadeploy gikan sa mga police stations, mobile force company kag iban pa nga line agencies.
Suno diri, iban sa mga personnel ang gin-augment sa Dinagyang Festival sa Iloilo kag Ati-atihan sa Aklan apang nagpasalig si Coronica nga bisan nabuhinan ang numero sang kapulisan wala sang dapat ikabalaka.
Pahayag sini, bastante ang police personnel sa ciudad para sa nagahilapit nga selebrasyon.
Samtang, may yara sang lauman nga road closure sa bahin sang Lacson St, kag South kag North Capitol Road.
Ang Bacolaodiat festival ang maga-umpisa sa Enero 31 tubtob sa Pebrero 2.
