Wala sang may nabaton nga reklamo ang Bacolod City Police Office angot sa presensya sang mga badjao sa ciudad sang Bacolod.
Sa interview sang Bombo Radyo Bacolod kay Police Captain Andro Maapni, spokesperson sang Bacolod City Police Office, hugot nga nagabantay sa mga badjao kaupod ang Department of Social Services & Development (DSSD) kag sa pagpatuman sang anti-mendicancy ordinance sa ciudad.
Suno kay Maapni ang Police Station 1 tubtob Police Station 10 ang wala sang narecord nga may yara sang presensya sang badjao nga nagapangkayo-kayo.
Nagapadayon ang monitoring sang mga kapulisan sang ciudad kag sa koordinasyon sa DSSD sa presensya sang mga badjao.
Suno kay Maapni ang DSSD kag ang Women and Children Protection Desk (WCPD) sang Bacolod City Police Office (BCPO) ang padayon nga nagamonitor agud nga masiguro nga ang mga kabataan ang indi magamit sa pagpangkayo kayo sa ciudad.
Sa karun nagapasalamat si Maapni nga wala na sang naglab-ot sa opisina sini nga reklamo nga imbulbado ang mga badjao.
