Ginareview na sang Bacolod City Police Station 1 ang mga napasa sa ila nga CCTV footages nga mahimo naka-capture kay Freya Mae Go antes siya nasapwan nga wala na sang kabuhi sa Barangay 12, Bacolod City, Oktubre 22.
Sa interview sang Bombo Radyo Bacolod kay Police Captain Francis Depasucat, station commander sang Bacolod City Police Station 1, wala sila sang maya narecover nga cellphone ni Freya apang may yara sang cellphone nga nakita sa iya boarding house apang sa pagtsekyar guba na ini.
Suno diri, pila sa mga ginpadal-an nila sang request nga mapangayoan sang CTTV footage nakapasa na sa ila samtang ang iban naman nagahulat pa sang ila IT team kag approval sa tag-iya sang establishment.
Wala man untat ang paghatag nila sang update sa iloy ni Freya sa lakat sang imbestigasyon.
