Nagaduda ang city director sang Bacolod City Police Office sa pagkadula masobra sa P60 mil nga cash sang Overseas Filipino Workers (OFW) nga nabiktima sang basag-kotse gang sa Tamera Plaza Inn sa ciudad sang Bacolod.
Sa interview sang Bombo Radyo Bacolod kay Police Major Elmer Bonilla, station commander sang Bacolod Police Station 1, nagaduda si Police Col. Noel Aliño nga mahimo indi sa nasambit nga inn nadula ang kwarta sang OFW, bangud ang mga ini ang nagikan sa lugar nga nagakinahanglan nga maggasto sang dako nga kantidad kag mahimo didto nadula ang cash apang sa ciudad lamang sang Bacolod, gindeclare.
Suno kay Bonilla, apisar sang pagduda wala man nila ginadula nga may yara sang insidente sang pagpangawat.
Suno sa station commander sang Bacolod Police Station 1, sa karun, wala pa sila sang suspek sa basag-kotse kag pagpangawat bangud guba ang CCTV sa establishmento.
Sa karun, nagapangita pa sila sang establisamento sa dalan Lacson nga may yara sang CCTV nga posible may footage sang natabo ang insidente.
Padayon sa karun ang imbestigasyon sa mga kapulisan sa insidente agud matumod ang mga suspetsado.
Ginpapadulungan naman sang katapo sang city legal office sang Bacolod ang establisamento kag natukiban nga nagaoperate apisar nga duha na ka tuig nga wala sang business permit.
Ang nasambit nga establisamento ang nadagdagan naman sang Business Permits and Licensing Office sang ciudad sang Notice of Violation.
