Preparado na ang Local Government Unit sang Bacolod City para sa 88th Bacolod Charter Day Celebration sa Hunyo 18.
Suno kay Councilor Homer Bais, chairman sang Charter Day Celebration, alas- 6:15 sang aga maumpisa ang assemble para sa parade.
May yara sang duha ka ruta para sa parade; may parade halin sa South Capitol Road nga magalabay sa Lacson Street padulong sa Rizal Street kag mapadayon tubtob sa stage area malapit sa Bacolod Public Plaza; kag ang isa naman ka parada ma-umpisa sa Araneta Street padulong sa Gonzaga Street tubtob sa Rizal Street kag maproceed sa stage area malapit sa downtown area.
Iban nga portion sang dalan may yara sang temporary closure kag gina-abisohan ang mga motorista nga mangita sang alternatibo nga ruta.
Suno kay Bais, wala pa sang kumpirmasyon kun sin-o ang magabisita sa ciudad apang ginahitso na kun sin-o ang invited nga government officials nga mangin speaker sa event….Samtang….May yara sang patigayunon nga road closure sa pila ka dalan sa ciudad sang Bacolod para sa parada sa 88th Charter Day sang ciudad sa Huwebes.
Sa interview sang Bombo Radyo Bacolod kay retired Police Col. Levi Pangue, head sang charter parade committee may yara sang apektado nga ruta para sa Shopping, Fortune Towne, Homesite route; Pta. Taytay 2, Alijis, Tangub, Singcang Airport route; kag Bata, Mandalagan, Banago route.
Sa Shopping, Fortune Towne, Homesite route, ang mabyahe mahimo maglabay sa Burgos, left turn sa Villanueva, left turn sa Galo, right turn sa Mabini, right turn sa Gonzaga, left turn sa Gatuslao, left turn sa Luzuriaga, left turn sa Mabini, right turn sa Galo, left turn sa BBB, kag right turn sa Burgos.
Sa Pta. Taytay 2, Alijis, Tangub, Singcang Airport route mabyahe halin sa Araneta, right turn sa Roxas, left turn sa Lacson, left turn sa San Sebastian, right turn sa Locsin ukon Gatuslao, right turn sa Luzuriaga, kag right turn sa Lacson.
Kag sa Bata, Mandalagan, Banago route, halin sa Lacson St., right turn sa North Capitol Road, left turn sa Gatuslao ukon San Juan, right turn sa Burgos, left turn sa Palanca, left turn sa San Sebastian, right turn sa San Juan, right turn sa Rosario, left turn sa Yulo, left turn sa Lizares, right turn sa Araneta, left turn sa Alunan, right turn sa Dicang, left turn sa Roxas, left turn sa Lacson, kag right turn sa Lizares.
Suno kay Pangue, indi man magadugay ang road closure kag rerouting bangod madasig lang man ang parade kag may yara man sang ginpreparar nga route plan para sa alternative route.
