Nangin madinalag-on ang pagdekorar sa Bacolod Public Plaza para sa paskwa.
Suno kay Jose “Buglas” Carreon Jr., indi kun tani luyag ni Bacolod City Mayor Greg Gasataya nga magbutang pa sang dekorasyon sa plaza bangod sa kalamidad nga naglabay sa ciudad.
Apang, bangod luyag nila nga mapakita kag mapabatyag sa gihapon ang Christmas spirit apisar sa kabudlayan, nag-ayo sila nga kun pwede magpadayon.
Suno diri, ang ila disenyo man tema nga Paskong Pinoy kun sa diin gingamit nila ang simbang -gabi, parol, community, katubohan, parol, inasal, lechon kag iban pa para ibutang sa disenyo.
Samtang, ang Christmas tree naman nga ginhimo nila ang human sa mga nagakabali nga sanga nga ila natipon sang naglabay ang mga bagyo.
Naghatag sang mensahe ang Consultant on Beautification sa Bacolod City Public Plaza sa tanan nga artist sa ciudad nga padayonon ang develop sang skills sa arts.
Sa interview sang Bombo Radyo kay Noy Gonzales, madugay na ini nga artist kag humalin sadto ang adbikosiya sini amo nga mapakita ang talento sang kada isa sa visual arts.
Suno diri, kalabanan sa mga arts makit-an sa gallery kag museum apang sa ila luyag nila nga ipakita sa publiko ang mensahe sang ila arts.
Suno kay Gonzales, sa ciudad sang Bacolod madamo sang kilala nga artist kag sila nagakit-anay sa pag-collab kun may events.// Mensahe sini sa tanan nga artist nga magpadayon sa pagdevelop sang ila skills paagi sa sige-sige nga pagtoon.
