Naapresyar sang Presidente sang Bacolod City Public School Teachers Federation ang plano sang Department of Education nga paghire sang masobra 9,000 ka mga manunudlo.
Sa interview sang Bombo Radyo kay Richard Gelangre, il naapresyar ang nasambit nga tikang apisar nga kulang ini gihapon.
Suno kay Gelangre, agud nga mafill-inan ang gap, kapin 100,000 ka mga manunudlo ang kinahanglanon.
Suno sa iya, makabulig kag makatabang maskin paano ang dugang nga teachers.
Nagalaom ini nga madugangan pa gid kuntani ang igahire nga mga manudnudlo kag school personnel agud nga mabuhin-buhinan ang load sa mga maestra.
Suno sa iya, mas maayo kun mabutangan sang force sa classroom instructions nga amu gid ang ila nga forte.
Sa bahin naman sang Bacolod City High School, bilang isa ka principal, ginpahayag sini nga 15 tubtob 20 pa ka mga manunudlo ang kinahanglanon
Nagapangabay ini nga sila ang madugangan maskin tunga lamang sang ila kinahanglanon bangud dako na ini nga butang.
