BACOLOD CITY — Paga-amyendaran ang naga-eksister nga ordinansa tuhoy sa pagpatigayon sang Inasal Festival diri sa Bacolod.
Suno kay Councilor Em Ang, chairperson sang committee on tourism sa Sangguniang Panlungsod nga siya ang magapasar sang proposal agod nga amyendahan ang pila ka mga bahin sang ordinansa.
Suno sa iya, pagabuhion sa liwat ang nasambit nga festival kag iga-institutionalized ini kag iga-expand ang venue sang aktibidad.
Dugang pa diri suno sa iya nga kilala ang inasal sang ciudad kag igapabutyag sa bug-os nga pungsod nga ang inasal ang orihinal nga naggikan sa Bacolod.
Kun matigayon ini nga maaprubahan, ini ang pagahiwaton tagsa ka Mayo kun sa diin ini ang mangin kabahin sang 80th charter year sa sini nga tuig.
Iya man gintu-ad nga dako ang kontribusyon sang ciudad sa patag sang culinary ang inasal nga manok.
Magasumiter sang committee report sa maabot nga Miyerkules si Councilor Ang.
Ang ini aktibidad nga ang may tinutuyo man nga makuha ang Guinness World Record bilang pinakamalaba nga chicken inasal sa bug-os nga kalibutan.
