Nag-impose sang 10 percent nga penalty ang Bacolod City Treasurers office para sa mga ulihi nagproseso sang business permit.
Suno kay Gary Gecosala, Officer in Charge sang City Treasurers Office, sang Lunes kag Martes, nagpatuman na sila sang 10 percent nga penalty sa mga late nga nagproseso sang business permit.
Suno diri, ginahulat na lang ang resolution sang Sangguniang Panlungsod para sa extension sang Buisness One Stop Shop
Ini ang nagtakop sang Pebrero 15 kag sa karun plano nga i-extend tubtob sa Marso 31.
Apang, ginatun-an pa kun ang extension ang para sa pagprocess sang business permit ukon ang pag-implementa nga wala sang surcharge sa pagprocess.
As of February 15, nagdangat na sa P621,390,914.31 ang nakolekta nga business tax.
Pahayag ni Gecosala, ginalauman nga magsaka pa gid ang makolekta nga business tax kun may yara sang extension Buisness One Stop Shop.
