Gin-athag sang assistant city veterinarian sang Bacolod City Veterinary Office nga wala sang bayad ang pagbakuna sang anti-rabies sa mga ido kag kuring sa ciudad sang Bacolod.
Ini matapos nga nagpost ang isa sa residente sang Barangay Mansilingan, Bacolod City nga nagpahayag nga may yara sang nagapanukot sang anti-rabies vaccine sa ido kag kuring.
Sa interview kay Dr. Jec Cabuguason, indi man personnel sang City Veterinarian ang ginaponterya sang post kundi ang mga nagaupod sa City Vet agud mag-assist sa ila sa pagbakuna.
Suno kay Cabuguason nga kun lantawon gid ang post, naglakat na ang personnel sang City Vet kag wala man nagbaton bisan pamahaw nga gintanyag sa iya.
Suno diri, gin-abisuhan sini ang mga personnel sang Bacolod City Veterinary Office nga indi gid magbaton sang donasyon ukon in-kind gikan sa mga kliyente.
Ini bangud mas magadugay pa ang paglab-ot sang ila nga target.
Natalana naman nga magahinun-anon ini kaupod ang Punong Barangay sang Barangay Mansilingan agud nga maathagan ang nasambit nga alegasyon.
