Ginklaro ni Bacolod Vice Mayor El Cid Familiaran nga indi matuod nga may ginhatag ang opisina sini sang ginahambal nga stickers nga nagapahanugot sa mga uncosolidated traditional jeepneys nga makapadayon sa pagbyahe.
Sa interview sang Bombo Radyo kay Familiaran, ang Land Transportation Franchising and Regulatory Board lamang ang makahatag sang sticker nga may control number kag ang city administartor ang maga-dessiminate sang QR code nga sticker.
Samtang, gin-athag naman sang presidente sang Kabakod Negros Transport Coalition Incorporated (KNETCO) nga “a sign of protest” ang sticker nga nakit-an kag indi indikasyon nga sila mahimo sa gihapon nga makabyahe apisar nga wala nakapaconsolidate.
Suno kay Lilian Sembrano, wala sang kaangatan si Bacolod Vice Mayor El Cid Familiaran sa sticker nga yara sa units sang ila nga miyembro bangod ini ang form lamang nga ila sang grupo angot sa kampanya nila nga “Balik Pasada, Balik Prangkisa” protest.
Dugang pa sini, indi man sila mga consolidated jeepneys para makabaton sang sticker gikan sa ciudad.
Sa karun, yara ini sa Manila para magrepresenta sang ila grupo sa kongreso bangod nga indi mahimo nga madulaan sila sang palangabuhian kasunod nga wala sang alternatibo nga ginhatag ang gobyerno.
