Suportado ni Abang Lingkod Party List Representative kag 3rd District Caretaker Congressman Joseph Stephen “Caraps” Paduano si Bacolod City Vice Mayor El Cid Familiaran kun ano man ang posisyon nga padalaganan sini sa 2025 Midterm Elections.
Suno kay Paduano, sang nagligad pa nga tuig ini nagpasiguro nga pagasuportahan niya ang bise alkalde kag ginkumpirmar man sini nga mas mataas nga posisyon ang padalaganan ni Familiaran.
Suno diri, mahimo nga magpadalagan bilang alkalde ukon kongresista sang ciudad si Familiaran apang indi man ini magbunggo sa posisyon nga padalaganan ni Bacolod City Mayor Alfredo “Albee” Benitez.
Sa ginpatigayon nga general assembly sang LAKAS-CMD, ginbayaw ni Paduano ang kamot ni Familiaran bilang kumpirmasyon sang iya pag-endorso sa 3-termer nga bise-alkalde sang Bacolod.
