Nagpasalig si Bacolod City Vice Mayor El Cid Familiaran nga iya nahibaluan kun ano ang mga problema sang ciudad kag nakahibalo sini mismo sang solusyon.
Suno kay Familiaran, naagyan na sini sadto ang COVID19 pandemic kag wala ini nanago kag gin-atubang ang problema.
Suno diri, si Abang Lingkod Partylist Representative Joseph Stephen Paduano ang campaign manager kag no. 1 supporter sang Team El Cid.
Apang, aminado man si Familiaran nga 90 percent sa iya mga supporters ang magasuporta kay Bacolod City Mayor Alfredo ‘Albee’ Benitez sa pagpapili sini bilang kongresista sang Bacolod City Lone District sa 2025 midterm elections.
Samtang, ginalauman naman sini nga indi na mabuhinan pa ang iya supporters matapos nga nanaog sa 24 ka mga brgy ang nagsuporta sa iya naggikan sa 34 brgys sa ciudad.
Pahayag ni Familiaran, wala ini nagadumot kag madasig ini magpasensya apang wala ini nagakalipat.
Ang runningmate ni Familiaran amo si Councilor Atty Renecito Novero sa pagka-bise alkalde.
