Bacolod City, wala sang narecord nga pag-awas sang tubig sa suba apisar sa pagbubo sang madamol nga ulan sang Bagyo BASYANG kagab-i

Wala sang may nagsaka nga tubig sa pila ka mga suba sa ciudad sang Bacolod kahapon, Pebrero 6 apisar sa paglabay sang Bagyo BASYANG.

Base sa river monitoring kag flood watch update sang Local Government Unit (LGUs), yara sa normal ang lebel ang tubig sa pila ka mga suba sa ciudad.

Pasado alas-6:00 kagab-i, ang mga suba nga yara sa normal level amo ang Banago River, Mandalagan River, Mambulok Creek, Maupay Creek, Lupit River, Magsungay River, Tangub River, Cabalagnan Creek, Pahanocoy Creek, Cabiguan Creek kag Sum-ag River.

Padayon naman ang pag-monitor sa mga otoridad sa ginalauman nga epekto sang Bagyo Basyang.

Ginaabisohan man ang publiko ilabi na ang mga yara sa low-lying areas nga mag-aligmat kag magpabilin nga alerto.