Ginkonsiderar sa karun sang Bacolod City Water District (BACIWA) ang pagrasyon sang tubig sa Bacolod apang ini ang magabakal sang tubig gikan sa iban nga banwa kag ciudad.
Sa interview sang Bombo Radyo kay Mona Dia Jardin, general manager sang BACIWA, sa karun amat-amat naman nga ginarasyonan ang mga barangay nga anay wala sa listahan sang ila ginadeliveran sang tubig.
Suno diri, ini bangod nga tuman ka init sang tiyempo kag nagnubo ang lebel sang tubig amo nga madamo na ang naga-eksperyensya sang kakulang sang supply sang tubig.
Ginkonsidarar naman sa karun sang BACIWA ang pagrasyon sang tubig sa ciudad, apang ini ang indi magakuha sang tubig sa source nga ginakuhaan sang PrimeWater nga sa karun may manubo na nga supply, amo nga nagdesisyon na lamang ini nga magbakal gikan sa iban nga banwa kag ciudad nga may bastante nga supply sang tubig.
Samtang, may bulig namn gikan sa bahin sang PrimeWater nga naghatag sang additional nga water truck, samtang ang Local Government Unit naman may “Patubig ni Mayor” initiative, kag may bulig man gikan sa Bacolod City Fire Station.
Natigayon naman ang blessing sa Highland Hills para sa 2 MLD nga augmentation sa water supply kag groundbreaking ceremony para sa pipe laying sa Forbes Hill.
