Wala sang may nagdugang sa kaso sang coronavirus disease sa syudad sang Bacolod samtang 16 naman ang nagdugang sa probinsya sang Negros Occidental.
Sa COVID-19 Regional Case Bulletin No. 288 nga ginpagwa sang Department of Health Center for Health Development-Western Visayas, nadugangan sang 38 ang mga kaso sa Region 6.
Sa nasambit nga numero, 16 ang diri nagikan sa Negros Occidental; zero sa Bacolod City; pito gikan sa Iloilo City kag 15 nagika sa Iloilo.
Bangud diri, nagdangat na sa 21,876 ang kabug-usan nga kaso sang COVID-19 saa Western Visayas kun sa diin nadugangan pito ang mga nag-alayo sa balatian gani yara na sa 20,516 ang kabug-usan nga recoveries samtang nagdangat naman sa 666 ang death toll.
Sa karun, yara na sa 5,628 ang kabug-usan nga kaso sang COVID-19 sa Bacolod kun sa diin 81 ang aktibo; 5,369 ang nag-alayo; kag 178 ang nagtaliwan.
Samtang yara naman sa 6,456 ang kabug-usan nga kaso sang COVID-19 sa Negros Occidental kun sa diin 181 ang aktibo; 6,108 ang recoveries; kag 164 ang fatalitIes.
