Wala sang nadugang nga kaso sang COVID-19 sa syudad sang Bacolod samtang napulo naman ang nagdugang sa probinsya sang Negros Occidental.
Sa COVID-19 Regional Case Bulletin No. 267 nga ginpagwa sang Department of Health Center for Health Development-Western Visayas, nadugangan sang 47 ang mga kaso sa Region 6.
Sa nasambit nga numero, isa diri ang nagikan sa Antique; anum sa Capiz; 19 sa Iloilo; 10 sa Negros Occidental; wala sa Bacolod City; kag onse sa Iloilo City.
Bangud diri, nagdangat na sa 21, 065 ang kabug-usan nga kaso sang COVID-19 sa Western Visayas kun sa diin nadugangan sang 97 ang mga nag-alayo sa balatian gani yara na sa 19,285 ang kabug-usan nga recoveries samtang yara naman sa 618 ang death toll matapos madugangan sang duha.
Sa karun, yara na sa 5,553 ang kabug-usan nga kaso sang COVID-19 sa Bacolod kun sa diin 128 ang aktibo; 5,252 ang nag-alayo; kag 173 ang nagtaliwan.
Samtang, nagdangat na sa 6,192 ang kaso sa Negros Occidental kun sa diin 557 ang active cases; 5,473 ang recoveries; kag 139 ang fatalities.
