Gin-athag sang chairperson sang Committee on Transportation sa Sangguniang Panlungsod sang Bacolod nga masarangan sang modernized jeep ang pagcater sang mga pasahero halin sa Barangay Handumanan padulong sa Libertad Market.
Sa interview sang Bombo Radyo Bacolod kay Councilor Al Victor Espino, naestorya na sini ang operator sang modernized jeep sa Handumanan kag nagpahayag nga masarangan ang pagcater sang pasahero basta indi sila pagbalabagan sang mga nagprotesta.
Apang suno diri, kun indi gid masarangan sang modernized units, may yara man sang nagpaconsolidate nga mga units sang traditional jeepneys nga lain ang ruta apang mahimo iaugment nga makabiyahe sa Handumanan.
Nagpanugyan man ini nga updan ang mga programa kaangay sang PUV modernization program bangud para man ini sa kaayuhan sang mga pumuluyo kag ang local government unit ang nagapatuman lamang sang kaangay nga programa.
