Nagapanugyan ang Bacolod City Disaster Risk Reduction Managementr Office (DRRMO) nga i-activate 24 oras ang emergency hotlines sang mga kabarangayan sa ciudad sang Bacolod samtang ang mga pumuluyo ang ginapanugyanan nga mag-evacuate kun kinahanglan kag indi na paghulaton pa nga mag kritikal ang sitwasyon antes maghalin sa ila nga lugar.
Sa interview sang Bombo Radyo Bacolod kay Eunice Ciocon, Officer in Charge sang DRRMO Bacolod, dapat nga mag-evacuate na kun kinahanglan ilabi na ang mga lugar nga yara sa coastal areas samtang ang mga DRRM sang Barangay ang ginapanugyanan man nga magpatuman sang pre-emptive evacuation kun kinahanglanon.
Suno kay Ciocon, santo sa forecast sang ang Bagyong Kristine ang ginalauman nga magabaskog pa.
Suno diri, ang mga barangay ang dapat nga monitoron ang mga kritikal areas sa ila nga mga lugar bangud ini ang una nga respondehan sa tion sang emerhensya.
Dugang pa sini dapat i-activate sang Barangay ang ila nga 24 hrs hotline agud nga ang mga pumuluyo ang may tawgan kag marespondehan na nga daan antes pa man maglala ang sitwasyon.
