Ginalantaw sang deputy for medical sang Bacolod City Emergency Operations Center (EOC) nga may yara sang magaluntad nga surge sang COVID-19 sa Pilipinas matapos ang piniliay, santo man sa paglantaw sang Department of Health (DOH).
Sa interview sang Bombo Radyo Bacolod kay Dr. Chris Sorongon, wala sang dapat kahangaw-an ang mga pumuluyo sa syudad sang Bacolod bangud bakunado naman ang halos tanan.
Suno kay Sorongon, mas ginpasanyog pa sang mga ini ang ila nga pagpangbakuna apisar nga gindula nila ang duha ka vaccination areas sa mall, bangod nagbukas man ang mga ini sang Monday to Sunday nga vaccination center sa Jollibee Gatuslao kag nagapadulong man ang vaccination taxi (Vax-i) sang syudad sa mga kabarangayan agud nga magpatigayon sang pagbakuna.
Nagapadayon man ang pagpatigayon sang booster shots sa COVID-19 vaccine sa tanan nga mga establishments kag nagapanawagan man si Sorongon nga kinahanglan pa ang booster shot magluwas sa duha ka dose sang COVID-19 agud nga mas mapabakod pa ang immune response batok sa balatian.
