Ginkumpirmar sang Emergency Operations Center sang Bacolod nga may nabilin pa nga AstraZeneca vaccine kag Sinovac vaccine nga wala pa mabakuna.
Suno kay Bacolod City Administrator Em Ang, executive director ssang EOC, ang Sinovac vaccine nga yara pa sa karun sa cold storage sang syudad ang natalana para sa 2nd dose.
Samtang mag nakatalana naman nga mag-abot nga Pfizer vaccine subong nga adlaw nga gintalana para sa 2nd dose sang gina-administer nga bakuna sang tinalikdan nga semana sa Bacolod City Government Center.
Ginahulat man ang pag-abot bwas sang dugang nga 25,000 doses sang Sinovac vaccine nga magamit para sa 1st dose.
Samtang suno kay Ang naubos na tanan tublok ang Johnson and Johnsons vaccine nga gin-alukar sa syudad.
Sa karun less than 10,000 doses nalang ang nabilin sa AstraZeneca vaccine nga magamit sa duha ka dose samtang kapin 6,000 naman ang nabilin nga Sinovac vaccine.
Pahanumdom ni Ang sa mga due na para sa 2nd dose nga sarang lang ang mga ini makawalk in kag makasalig ang mga ini nga sila ang akumodarun.
Ini bangod ginatinguhaan nga maobserbar ang nagakaigo nga interval sa 1st kag 2nd dose.
Paathag naman ni Ang nga apisar may allowance pa ang nga isa ukon duha ka semana sa pagpatigayin sang 2nd dose, mas maayo gihapon kun sundon ang schedule.
