Bacolod Fire Station, wala makaagi nakabaton sang prank fire call

Ginpahayag sang fire marshal sang Bacolod City Fire Station nga wala sila maka-agi nga nakabaton sang prank call nga may yara sang insidente sang sunog ciudad.

Sa interview sang Bombo Radyo Bacolod kay Fire Superintendent Jenny Mae Masip, iya ginakasubo nga may natabo nga prank call sa Tondo, Manila angot sa isa ka truck nga nagakasunog apang sa pagtsekyar sa area, ang truck nakapark lang kag wala sang sunog.

Ini matapos may naglapta nga AI generated photo nga ginalamon sang kalayo ang truck.

Suno kay Masip, masubo ini bangod kun maggwa ang firetruck ginabutang sang mga bombero sa risgo ang ila kabuhi.

Pahayag sini, kun sin-o man ang madakpan nga nagahimo sang prank call mahimo mapasakaan sang kaso kag dagdagan penalidad.