Ginlockdown ang Bacolod City Government Center sugod subong nga adlaw tubtub sa Domingo agud nga mapatigayon ang disinfection kag decontamination matapos nga pila ka empleyado ang nagpositibo sa coronavirus disease.
Sa nakuha nga impormasyon sang Bombo Radyo Bacolod, gintapos lang pasweldo ang mga Job Order Casual sang ciudad agud makapauli na ang tanan nga mga empleyado kaina sang aga.
Nahibaluan nga sang tinalikdan nga semana, nagtaliwan ang 48 anyos nga Land Tax employee nga nasundan pa gid sang pagtaliwan sang isa ka lalaki nga empleyado sang nasambit nga division nga ginatan-aw una nga natapikan sang virus.
Bangud sini, ginpakamaayo sang alkalde nga ilockdown ang Bacolod City Government Center humalin subong nga adlaw tubtob sa Agosto 16.
