Nagpangtanom ang Bacolod City General Services Office sang frog grass sa quadrant sang Bacolod Public Plaza.
Ini matapos nagpabutyag sang kalain sang buot si Bacolod City Mayor Greg Gasataya angot sa indi sini nanamian nga nangin sitwasyon sang plaza, sa pihak sang rennovation sang Tourism Infrastructure and Enterprise Zone Authority (TIEZA).
Nakita sang alkalde nga wala na sang bilin nga mga hilamon, gani nagsulat ini sa pamunuan sang TIEZA, kag gilayon man nga nagbyahe sa Bacolod si TIEZA Head Mark Lapid kagab-i.
Aminado ang alkalde nga wala siya sang problema sa lightings, apang luyag sini nga kun paano ginsuguran sang TIEZA ang redevelopment, mapabilin ang nawong sang plaza, kag ma-imprubar pa
Apang sa baylo, wala na ang mga matahom nga hilamon, gani nagalutak na ang plaza sa tion sang mga pag-ulan.
Desidido man si Mayor Greg nga indi batunon ang proyekto kun iturn-over sang TIEZA nga wala natadlong.
Nahibaluan nga P80 million ang gintalana nga budget sang TIEZA para sa rennovation sang plaza, kag sila ang makapila naman nga nag-apelar sa pagpalawig sang deadline sa pagtapos sa proyekto.
Sa ulihi, ginpasalig nila nga matapos ang proyekto antes magtakop ang Setyembre bangod ini ang isa sa mangin venue sa Masskara Festival 2026 celebration.
Apisar sa mga problema, tubtob sa karun, wala pa sang pagbag-o sa plano, kag nagapabilin sa schedule ang paggamit sang plaza sa pila ka aktibidad.
